Chalecos Laranxas: Escóitote

Ao final do curso pasado implementamos como proxecto piloto o Programa Chalecos laranxas: escóitote cos seguintes obxectivos:

1. Escoita entre iguais.

2. Mediación de conflitos.

3. Derivación de conflito non resolto.

Estruturado nas seguintes fases:

• ESCOITAMOS AS PARTES.
• DETERMINAMOS POSIBLES SOLUCIÓNS.
• ACORDAMOS UN PACTO.

Como funcionou moi ben, este curso volvemos a poñelo a andar. 

Lembrádelle ás vosas fillas e fillos que se teñen necesidade de comunicar calquera situación que os estea a molestar, que busquen no patio o alumnado con chaleco laranxa.

Cousas que unha nena ou un neno si precisan!

 

Pinchando na imaxe accédese a un vídeo no que podemos ver o que si precisan en realidade as nosas fillas e fillos!

Ás veces precisamos reflexionar sobre se o camiño que estamos a seguir é o máis axeitado.

 

Técnica de control de conduta: Economía de fichas

O comportamento problemático na casa pode ser un dos grandes retos a nivel familiar. Existen diversas técnicas que nos poden axudar neses momentos a calmar e reconducir a conduta.

A continuación podedes consultar un vídeo e varias páxinas web que nos explican como empregar a Economía de fichas. O obxectivo principal será cambiar as reaccións a certos episodios e así evitar que se produza un comportamento pouco axeitado.

Páxinas web:

• CONSELLOS para as familias.
• INFOGRAFÍA economía de fichas.
• MODELOS de economía de fichas.
• EXEMPLOS de tarefas que se poden realizar segundo a idade.

Decálogo de uso do móbil

O uso indiscriminado do móbil está a xerar dificultades na mocidade. Xa sexa por empregar o móbil a idades moi temperás, o que limita as interaccións sociais, xa sexa polo exceso de horas que se usan estes dispositivos e sen control, o que está a provocar que se consuman contidos non axeitados para idade das nosas fillas e fillos.

É por iso que unha mamá do cole elaborou un decálogo de uso do móbil que me parece moi interesante compartir con vós.

No seguinte enlace podedes consultar un artigo de "Lucía, mi pediatra": ¿A qué edad le doy su primer móvil?

TIPS PARA APRENDER A APRENDER: A CONCENTRACIÓN

Manter a concentración durante o estudo ou na realización de tarefas é fundamental para que as estratexias que empreguemos nos resulten eficaces. De nada nos serve subliñar os datos importantes, debuxar a información, empregar reglas mnemotécnicas... se non estamos concentrados no que estamos a realizar.

Algunhas das estratexias do estudo activo para fomentar a atención son:

• Marcar un tempo para estudar. Establecer o tempo que precisamos e poñernos un cronómetro. 
• Eliminar as distraccións e estudar/realizar as tarefas nun lugar tranquilo.
• Usar algunhas estratexias de concentración como por exemplo:

Para mellorar a concentración tamén é bo realizar exercicios de relaxación, como por exemplo O Método de Koeppen:

TIPS PARA APRENDER A APRENDER: O SUBLIÑADO

Continuamos coa serie de tips para axudarnos a aprender, a estudar e a organizar o traballo diario.

Nesta ocasión imos analizar a importancia de identificar os datos tanto dun texto coma dun problema matemático para que iso nos facilite a realización dun estudo activo.

Nos seguintes documentos están desenvoltas as pautas para facilitar a comprensión de diferentes textos.

TIPS PARA APRENDER A APRENDER: REGLAS MNEMOTÉCNICAS

Cando nos resulta complicado memorizar información ou datos, existen técnicas que nos poden axudar a lembrar.

Unha desas técnicas son as reglas mnemotécnicas. Nos seguintes enlaces podedes atopar diferentes exemplos para que na casa escollades as que mellor lle poden axudar ás vosas fillas e fillos.

Enlace: Reglas nemotécnicas para a para aprender a estudiar mejor

Vídeos

TIPS PARA APRENDER A APRENDER: PREPARACIÓN PARA O ESTUDO

 

Comezamos unha serie de tips para axudarnos a aprender, a estudar e a organizar o traballo diario. O primeiro paso, e se cadra, un dos máis importantes, é aprender a planificarnos, así como ter un lugar específico para estudar e realizar as tarefas diarias, cómodo e sen distractores. 

Establecer rutinas e empregar tempos marcados para estas tarefas axudan a adquirir independencia e autonomía.

Nas imaxes que podedes ver a continuación atoparedes unha serie de consellos.

Nas vinderas semanas falaremos sobre:

• Estudo activo.
• Reglas nemotécnicas.
• Subliñado de datos importantes.
• Organización de traballos.

Como fomentar a atención, concentración, memoria...

 Moitas veces queremos reforzar a atención e concentración das nenas e nenos que se distraen con facilidade, ou simplemente, nos apetece xogar en familia. De seguro que pola casa tedes moitos recursos que vos poden axudar. Se pinchades nos enlaces podedes atopar artigos que vos explican os beneficios de cada un dos xogos para mellorar as funcións executivas.

• Crebacabezas.
• Labirintos.
• Tangram.
• Mandalas.
• Dominó.
• Parchís.

Realizados con regularidade, axudan a establecer rutinas de concentración.

Tamén hai outros xogos educativos que podemos mercar aproveitando a elección de agasallos para estas datas:

• Pictureka
• Sardines
• RUSH HOUR
• Cortex

Na seguinte páxina podedes atopar ideas de xoguetes educativos por idades:

• Minikidz

Sen esquecer que tamén hai app que son educativas:

• Apps para trabajar las funciones ejecutivas de manera lúdica

Nenas e nenos altamente sensibles

É posible que coñezamos a algunha persoa altamente sensible, tanto adulto coma neno ou nena. Poder identificar esta alta sensibilidade pode axudarnos a entender moitas das situacións que se producen no ámbito familiar.

Achego unha serie de arquivos con información sobre as características da alta sensibilidade:

Niños altamente sensibles: cómo son, rasgos, características y cómo actuar

Niños altamente sensibles: características y consejos para padres

Niños altamente sensibles (NAS). ¿Cómo sé si mi hijo es uno de ellos?

O xogo do silencio de Montessori

Jennifer Delgado comeza o artigo sobre o Xogo do silencio do seguinte xeito:

O ruído constante pode xerar irratibilidade, frustración, confusión e incluso a sensación de bruma mental. Tanto o cerebro adulto coma o infantil precisan momentos de paz para descansar, recuperar a calma e concentrarse. Pola contra, no mundo no que vivimos cada vez estamos máis invadidos polo son e os estímulos constantes, polo que resulta difícil atopar eses momentos de tranquilidade.

Para axudarnos a topalos, tanto para familias coma para docentes, propón o xogo do silencio que podedes consultar no seguinte enlace:

O xogo do silencio de Montessori